KUTANA NA AUNT REGINA KATIKA MAPISHI MCHEMSHO WA KUKU , UGALI WA MUHOGO NA KISAMVU CHA KARANGA NA NAZI

 Habari za mchana   msomaji   natumai  u mzima  wa  afya  kama kawaida yangu  leo   nawaletea  pishi  nililoandaa  kwa  ajili  yenu.kama  tujuavyo  kila  mtu ana  namna ya mbalimbali  ya  mapishi  na jinsi  ya  kuandaa  chakula.chakula  change  cha  leo  nitakupikia  ugali wa muhoga  na  mchemsho  wa  kuku bili  kusahau  kisamvu  ambacho  kimechanganywa  karanga  na   nazi.

Ugali wa muhogo  unaliwa  sana  na makabila  mengi  lakini   tumeona  kabila  la waha  kutoka Kigoma ndiyo asili yao.moja kwa  moja tukaanze  kuandaa  mchemsho  wa  kuku.

MAHITAJI

Kuku wa kienyeji

Limao

Vitunguu

Pilipili

Tangawizi

Chumvi

Kisamvu  kilichochemshwa

Karanga iliyosagwa

Nazi

Unga wa muhogo

Moja   kwa  moja  tunaanza  kumchemsha  kuku wetu  nitamuandaa kwa  kumkata kata   vipande  kisha  namuweka  katika  sufuria.kama  tujuavyo  kuku  lazima  akichemshwa  lazima  awekwe tangawizi  ingawa  kunasbaadhi  ya  watu  hawapendi  lakini  ni  vizuri  ukaweka   tangawizi    kwa  sababu  ni  kiungo   ambacho  kinasaidia  sana  kuleta  hamu  ya  kula  unaweza  ukamla  kuku  mzima  peke  yako  hahahahahahahahahahhah(natania).pia  tangawizi  utaweka  ambayo  tayari  imetwangwa  na siyo  ya  kusaga baada  ya  hapo  unaweka  maji  na  chumvi  kiasi

Kuku  wa  kienyeji  ni   mgumu  sana  hivyo  lazima  uhakikishe  kaiva  vizuri  hatua  ya  mwisho  unamuweka  limao  na  pilipili  alafu  unafunukuka  kwa  dakika  15  kumbuka  uwingi  wa  pilipili  unatokana  ulaji wako  pia unaweza kuweka viazi a ndizi  baada ya  hapo  ipua  mboga  yako  itakuwa  tayari  unaweza  ukainywa  kama   supu. Kwa  wale wenye waume   wanaokunywa  pombe  unaweza  ukamwandalia  akanywa  badala  ya  kwenda  baa  akanywa   kwa  raha  zake.

Baada ya   hapo  ntaenda  kukuandalia  kisamvu, nitaanza  kwa  kukichemsha  kisamvu  changu  kwa  saa  nzima  baada ya  hapo  ipua  kitakuwa  tayari  kwa  kuunga  anza kwa  kubandika  sufurua  jikoni  kisha  weka  vitunguu  vikibadilika  rangi  na  kuwa  kahawia  weka  kisamvu  chako  na  uache  vichemke  kwa  sekunde  kadhaa, baada  ya  hapo  weka  tui  la  nazi  ambapo  unatakiwa  ukoroge  taratibu  ililishikane  vizuri  na  mboga  alafu  unamalizia  kwa  kuwaka  karanga  baada  ya  hapo  utaacha  vichemke  mpaka  ile  harufu  ya  ubichi  itoke  kabisa. Kisamvu chako  kitakuwa  tayari  kupakuliwa  na  kuwekwa  mezani.

Tunamalizia  kwa  kuandaa  ugali  wa  muogo  jamani  wasomaji  wangu  kama  tujuavyo  ugali  wa  muhogo  unapikwa  tofauti  na  ugali  wa  kawaida, ugali   huu  unaanza kwa  kubandika  sufuria  jikoni  na  kuweka  maji  kiasi   baada  ya  kuchemka  maji  hayo  utaweka  unga  kiasi  ambao  utasongea  ugali  wako  lakini  usikoroge   funika  kwa  dakika  chache  kisha  uanze  kusonga  utaona kama unavutika yani hauna desturi ya  kuachana  kama  ugali  wa  sembe  hivyo  usiache  kusonga mpaka  utakapo  hakikisha  kuwa  unga  wote umegusa maji  kumaanisha  hauna  mabuja  utatumia  kama  dakika kumi  kuwa   tayari.Chakula  hiki kinalika  na  rika  lolote  kumaanisha  mtoto hata mtumzima.